Dan Jansen

Dan Jansen

Daniel Erwin „Dan“ Jansen (* 17. Juni 1965 in Milwaukee, Wisconsin) is en ehmalger US-amerikanischer Iesflinklöper.

Dör sien Süster Jane keem Dan Jansen to dat Iesflinklopen. Bi sien eersten Start bi Olympisch Spilen 1984 in Sarajevo keem he up Platz 6 över 500 Meter un wurr Veert över 1000 Meter. Veer Johr later gull he in Calgary as Favorit för de 500 Meter un 1000 Meter. An den Dag vun dat Rennen över 500 Meter is sien Süster Jane an Leukämie storven. Dan Jansen hett dat Rennen mit en Stört afslooten. Ok över 1000 Meter en paar Daag later kunn he dat Rennen wegen en Stört nich afsluuten.

Ok 1992 bi de Spelen in Albertville kunn he sien Favoritenrull nich gerecht wurrn un bleev weer ahn Medaille. Bi de Winterspelen in Lillehammer 1994 wunn he in dat letzt Rennen vun sien Loopbahn endlich en Goldmedaille. Över 1000 Meter wunn he in Weltrekordtiet (vör Ihar Schaljasouski). Över 500 Meter weer he blots up den 8. Platz kommen.

Nah sien Karriere as Sportler wurr Jansen Kommentater bi NBC un hett de Dan Jansen Foundation för den Kamp gegen Leukämie grünnd.

Weblinks

• Dan Jansen in de Datenbank vun Olympedia.org (engelsch)
• Körtporträt (engelsch)
• Statistiken bi Speedskatingnews