Diskuschoon:Willem Tell

Schuven? --::Slomox:: >< 13:22, 2. Mai 2008 (CEST)[anter]

Harrn wi ja eentlich seggt, in so'ne Fäll. Willem Kaisen is ok al verschaven. Man för de Naamskonventschoon heet dat doch noch mol: Langt dat hen, wenn wi jummers seggt, wi gaht na den Bruuk/Naam vör Oort? Oder mütt wi doch seggen: Wi gaht dor na, wat vun de Plattdüütschen seggt warrt. Bispeel: Neustadt am Rübenberge schall bi us unner Neestadt oder Niestadt lopen. Wo Hoochdüütsch snackt warrt, schall dat bi Neustadt blieven. Just so bi Freiburg, Rothenburg etc. Wenn dat ok för Wilhelm/Willem gellen deit, denn so möss dat natüürlich bi Wilhelm Tell blieven. Ik denk avers, wi schollen bestimmte Naams, de wi up Platt hefft, ok bruken, wenn dat um Hoochdüütsche Lüde/Öörd geiht...--Bolingbroke 13:47, 2. Mai 2008 (CEST)[anter]

Heidelbarg hebbt wi ok al bruukt, un in een Artikel heff ik ok al Soltborg funnen för "Salzburg". Ik denk, man kann dat maken, wenn sik dat üm Wöör hannelt, woför dat klipp un klor en plattdüütsch Woort gifft. Mutt man aver nich in jeden Fall, denk ik. Bi Willem weer dat aver nich verkehrt. --Iwoelbern 14:24, 2. Mai 2008 (CEST)[anter]

Wi dröfft nich denken, dat Spraken en Territorium hebbt, na dat Motto Wilhem Tell kummt ut dat Territorium vun dat Hoochdüütsche un mutt dorvun en hoochdüütschen Naam hebben. Dor geiht dat nich na. Dat schall dor na gahn, wo wi plattdüütsche Naams för hebbt. Wi schöölt uns keen Naams utdenken. All Naams, de wi hier bruukt, schöölt ok vun de Plattdüütschen buten Wikipedia bruukt wesen. Dat mööt nich all wesen, aver tominnst welk vun de Plattdüütschen mööt de Naams so bruken. Wenn dat buten Wikipedia nich nawiesbor is, dat welk vun de Plattdüütschen Soltborg to Salzburg seggt, denn schöölt wi ok nich Soltborg bruken.

Binnen dat Plattdüütsche gaht wi dorna, wat de Lüüd vör Oort seggt. Buten dat plattdüütsche Spraakrebeet gaht wi dorna, wat de Plattdüütschen as Gesamtgrupp för Naams kennt. Opbest schullen wi dor ok jümmer Quellen nömen. Dat heff ik baven ja ok daan. Villicht gifft dat ok annere plattdüütsche Quellen, de den Naam Wilhelm bruukt. Weet ik nich. Wenn dat en grote Mehrheit plattdüütsche Quellen gifft, de Wilhelm hebbt, denn schall he beter Wilhelm as Lemma kriegen, ans Willem. --::Slomox:: >< 14:46, 2. Mai 2008 (CEST)[anter]